قاہرہ میں بم دھماکہ، بس تباہ، 5 افراد زخمی

بس جامعہ الازہر کے قریب ضلع نصر میں دھماکے کا نشانہ بنی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

مصر کے دارالحکومت قاہرہ میں جمعرات کی صبح ہونے والے بم دھماکے میں ایک بس تباہ جبکہ کم از کم پانچ افراد زخمی ہو گئے ہیں۔

سکیورٹی حکام کے مطابق دھماکہ جامعہ الازہر کے قریب پیش آیا جب ایک بس قاہرہ کے مشرقی ضلع نصر میں سے گذر رہی تھی۔ ''العربیہ'' سے بات کرتے ہوئے سکیورٹی حکام کا کہنا تھا '' ابھی اس بارے میں تحقیقات کی جا رہی ہیں کہ دھماکے کا سبب بننے والا بم بس میں نصب کیا گیا تھا یا نہیں۔''

یہ دھماکہ منصورہ شہر میں وزارت داخلہ کی عمارت میں ہونے والے خوفناک بم دھماکے کے دو دن بعد ہوا ہے۔ منصورہ دھماکے میں کم از کم 15 افراد ہلاک اور ایک سو سے زائد زخمی ہو گئے تھے۔

جولائی میں منتخب صدر محمد مرسی کی برطرفی کے بعد مصر مسلسل بدامنی کی زد میں ہے۔ اس بد امنی کے دوران سینکڑّوں افراد مارے جا چکے ہیں۔ عبوری حکومت نے اخوان المسلمون کو دہشت گرد تنظیم قرار دینے کے بعد اس کے مظاہروں پر بھی پابندی عاید کر دی ہے۔

مقبول خبریں اہم خبریں

مقبول خبریں