شام میں ائیر بیس پر قبضے کی لڑائِی، 19 باغی ہلاک

باغیوں نے دیر الزور ائیر بیس سے ملحق گاوں پر قبضہ کر لیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

شام کے مشرقی شہر دیر الزور کے ائیر کے قبضے کیلیے بشارالاسد کی وفادار فوج اور باغیوں کے درمیان ہولناک لڑائی کے دوران کم از کم 19 باغی ہلاک ہو گئے ہیں۔ لڑائی ابھی جاری ہے اور باغی ائیر بیس کی طرف بڑھ رہے ہیں۔

ان ہلاکتوں کی اطلاع لندن میں قائم آبزرویٹری نے دی مزاحمت کاروں اور انسانی حقوق کے لیے سرگرم اداروں کے حوالے سے دی ہے۔ آبزرویٹری کے مطابق اس ائیر بیس پر قبضے کی لڑائی تین دن سے جاری ہے اور کوئی فریق پیچھے ہٹنے کو تیار نہیں ہے۔

شام میں جاری لڑائی اور دیگر سرگرمیوں کو مانیٹر کرنے والی آبزر ویٹری کے سربراہ رامی عبدالرحمان کے مطابق باغی قریبی گاوں الجفرا پر قبضہ کرنے میں کامیاب بو گئے ہیں، عالمی خبر رساں ادارے کے مطابق یہ گاوں ائیر بیس سے محض چند سو میٹر کے فاصلے پر ہے۔ واضح رہے اس گاوں مین بشارالاسد کے حامیوں کی اکثریت ہے۔

حلب میں مسلسل لڑائی اور بشار رجیم کی بمباری کے باعث حالیہ دنوں میں پانچ سو سے زائد ہلاکتیں ہو چکی ہیں۔ اب اس ائیر بیس کے لیے لڑائی میں بشار الاسد کی فوج پوری قوت استعمال کر رہی ہے۔

مقبول خبریں اہم خبریں

مقبول خبریں