.

کویت کے پانیوں میں چھے ایرانی منشیات اسمگلر گرفتار

خلیجی ریاست کے ساحلی محافظوں نے اسمگلروں کی کشتی قبضے میں لے لی

پہلی اشاعت: آخری اپ ڈیٹ:

کویت کے ساحلی محافظوں نے اپنے ملک کی سمندری حدودو میں داخل ہونے پر ایران سے تعلق رکھنے والے منشیات کے چھے اسمگلروں کو گرفتار کر لیا ہے اور ان کی کشتی قبضے میں لے لی ہے۔

کویت کی وزارت داخلہ نے منگل کو جاری کردہ ایک بیان میں کہا ہے کہ ان ایرانیوں کو تحقیقات کے لیے حراست میں لیا گیا ہے۔

کویتی حکام نے گذشتہ ہفتے بھی بارہ ایرانیوں اور دو افغان شہریوں پر مشتمل ایک گروپ کو حراست میں لیا تھا اور ان کی کشتی قبضے میں لے لی تھی۔کویتی حکام آئے دن اپنے ملک کی ساحلی حدود میں آنے والی کشتیوں کو پکڑتے رہتے ہیں۔ان پر بالعموم مشتبہ اسمگلر یا مچھیرے سوار ہوتے ہیں۔