.

یمن: برطانوی استاد نامعلوم بندوق برداروں کے ہاتھوں اغوا

یہ رواں ماہ کے دوران دوسرے برطانوی کا اغوا ہے

پہلی اشاعت: آخری اپ ڈیٹ:

مسلح افراد نے یمن کے دارالحکومت صنعا میں برطانوی استاد کو اغوا کر لیا ہے۔ سکیورٹی حکام کے مطابق کسی برطانوی شہری کے رواں ماہ کے دوران اغوا کیے جانے کا یہ دوسرا واقعہ ہے۔

سکیورٹی حکام نے بتایا ہے کہ برطانوی شہری بدھ کی رات اپنے گھر واپس آ رہے تھے کہ انہیں نامعلوم اسلحہ برداروں نے زبردستی اغوا کر لیا۔ مغربی سفارت کاروں نے بھی اس واقعے کی تصدیق کر دی ہے۔

صنعا میں برطانوی سفارت خانے اور یمنی سکیورٹی حکام کی طرف سے مغوی کی شناخت طاہر نہیں کی گئی ہے، تاہم معلوم ہوا ہے کہ ایک امریکی سکول میں پڑھاتا ہے۔

سکیورٹی حکام کے مطابق اغواکاروں نے مغوی کو نامعلوم مقام پر منتقل کر دیا ہے۔ اس سے پہلے 4 فروری کو آئل سیکٹر میں کام کرنے والے ایک برطانوی کارکن کو بھی اغوا کر لیا گیا تھا۔ البتہ برطانوی حکام نے ابھی تک اس واقعے کی تصدیق نہیں کی ہے۔