حماس کے سابق ترجمان کیخلاف بے قاعدگیوں کی تحقیقات شروع

ایمن طہ پچھلے دو ہفتوں سے لا پتہ ہیں، بھائی کیطرف سے مذمت

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

غزہ کی حکمران جماعت حماس کے سابق ترجمان ایمن طہ کو مبینہ طور پر بعض بے قاعدگیوں کی وجہ سے اپنی جماعت کی طرف سے تحقیقات کا سامنا ہے۔ عالمی خبر رساں ادارے اے ایف پی کے مطابق یہ بات حماس کے سینئیر رہنما احمد بحر نے بتائی ہے۔

تاہم انہوں نے یہ نہیں بتایا کہ سابق ترجمان حماس کو کن متعین الزامات کا سامنا ہے۔ حماس رہنما کے مطابق ایمن طہ کے پورے احترام کے ساتھ بعض بے قاعدگیوں کا بھائی جائزہ لے رہے ہیں۔ ''

تاہم حماس رہنما احمد بحر نے واضح کیا اگر بے قاعدگیاں ثابت ہو گئیں تو کسی بھی دوسرے عام آدمی کی طرح ایمن طہ کا احتساب کیا جائے گا۔

اس دوران ایمن طہ کے بھائی حسان محمد کی جانب سے میڈیا کو جاری کیے گئے ایک ویڈیو پیغام میں سابق ترجمان کے خلاف تحقیقات کی افواہوں اور الزامات کی مذمت کی گئی ہے۔

حسان محمد نے کہا ''شاید ان کے بھائی سے غلطی ہوئی ہو لیکن ایسا کچھ نہیں کیا ہو گا کہ ان کے خلاف افواہیں پھیلائی جائیں۔'' تاہم انہوں نے یہ واضح نہیں کیا کہ ان کے بھائی کو حراست میں لیا گیا ہے یا نہیں۔

بعض دیگر فلسطینی ذرائع کا کہنا ہے کہ ایمن طہ گزشتہ دو ہفتوں سے سے لا پتہ ہیں، البتہ حماس نے اس بارے میں کسی الزام کی تصدیق ہے۔

مقبول خبریں اہم خبریں

مقبول خبریں