دمشق پر شامی فوج کے 'کیمیائی حملے' کی ویڈیو جاری

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

شامی اپوزیشن نے ایک مرتبہ پھر صدر بشار الاسد نواز شامی فوج پر شہریوں کے خلاف زہریلی گیس استعمال کرنے کا الزام عاید کیا ہے۔

دمشق کی جوبر کالونی میں اپوزیشن کے نمائندہ میڈیا سیل کے رضاکاروں نے زہریلی گیس کے استعمال کے بارے میں ثبوت کے طور پر ایک ایسے شامی شہری کی ویڈیو جاری کی ہے کہ جو اپنے حواس کھو بیٹھا ہے۔ ویڈیو میں اسے زمین پر لیٹے دیکھا جا سکتا ہے جبکہ ایمرجنسی کارکن اسے طبی امداد دے رہے ہیں۔

جوبر کالونی پر حالیہ 'کیمیائی حملے' سے ایک ہفتہ قبل شامی حکومت نے اقوام متحدہ کو ایک مراسلہ تحریر کیا تھا جس میں خبردار کیا گیا تھا کہ بشار الاسد حکومت کے پاس ایسے ناقابل تردید ثبوت موجود ہیں کہ اپوزیشن جماعتیں دمشق کی جوبر کالونی میں کیمیائی ہتھیار استعمال کر سکتی ہیں۔

درایں اثنا شام کے مختلف علاقوں میں تشدد کا سلسلہ جاری ہے جبکہ اللاذقیہ کے نواح میں سرکاری فوج اور اپوزیشن کے جنگجووں کے درمیان بلدیہ القرادحہ کے اہم مقام پر کنٹرول کے لئے لڑائی جاری ہے۔ شام میں انسانی حقوق کی آبزرویٹری نے تصدیق کی ہے کہ اپوزیشن کے جنگجووں نے سرکاری فوج سے ایک اہم ٹاور کا کںڑول واپس لے لیا ہے۔

مقبول خبریں اہم خبریں

مقبول خبریں