.

لیبیا: نئے وزیر اعظم کی پارلیمنٹ سے منظوری

دو ہفتے کے دوران کابینہ کی تشکیل مکمل کریں گے

پہلی اشاعت: آخری اپ ڈیٹ:

لیبیا کی پارلیمنٹ کے صدر نوری ابو شمائن نے ملک کے معروف تاجر احمد مائتیق کی ملک کے نئے وزیر اعظم کے طور پر تصدیق کر دی ہے۔ اس سلسلے میں صدر پارلیمنٹ نے پیر کے روز ایک حکنامے پر دستخط کیے ہیں۔

پارلیمنٹ کی اس منظوری سے پہلے احمد مائتیق نے اتوار کے روز وزارت عظمی کا حلف اٹھایا تھا۔ لیکن پارلیمنٹ کے صدر کے ایک نائب نے وزیر اعظم کے انتخاب کو غلط قرار دے دیا تھا۔

پیر کے روز حکنامے پر دستخط کرنے کے بعد نوری ابو شمائن نے اعلان کیا ہے مائتق اب وزیر اعظم ہیں اور انہیں چاہیے کہ دو ہفتوں کے دوران اپنی کابینہ تشکیل دیں۔ یہ حکمنامہ پارلیمنٹ کی ویب سائیٹ پر بھی اپ لوڈ کر دیا گیا ہے۔