ایران سعودی عسکریت پسندوں کو تربیت فراہم کرنے میں ملوث

عسکریت پسندی میں ملوث سعودی کو گیارہ سال قید کی سزا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کی ایک فوجداری عدالت نے ملک میں تخریب کاری اور بدامنی پھیلانے کے الزام میں ایک شہری کو گیارہ سال قید اور رہائی کے بعد اتنی ہی مدت کے لیے بیرون ملک سفر پر پابندی کی سزا کا حکم دیا ہے۔ ملزم کو یہ سزا اس لیے سنائی گئی کیونکہ اس نے جانتے بوجھتے ہوئے یہ بات حکام کو نہیں بتائی کہ ایران، سعودی عسکریت پسندوں کو ملک میں بدامنی اور فساد پھیلانے کے لیے تربیت فراہم کر رہا ہے۔

العربیہ ڈاٹ نیٹ کے مطابق عدالت کی جانب سے جاری کردہ تفصیلی فیصلے میں کہا گیا ہے کہ سزا پانے والے ملزم کا بیرون ملک عسکریت پسندوں سے تعلق ثابت ہوا ہے۔ اس نے ملک کے خلاف ہونے والی سازشوں کی پردہ پوشی کی۔ سعودی نوجوانوں کو عسکری تربیت فراہم کرنے کے لیے ایران عسکری ماہرین بھجواتا رہا ہے، لیکن اس نے یہ راز چھپائے رکھا۔

دیگر الزامات میں حاکم وقت کی اجازت کے بغیر قتال کی تیاری، کالعدم تنظیموں کے ساتھ تعلق اور ان کے لیے عطیات جمع کرنا، افغانستان کے لیے جنگجو بھرتی کرنے، عراقی جنگجوؤں کی مالی معاونت اور دہشت گردوں کو پناہ دینے جیسے الزامات عائد کیے گئے ہیں۔

مقبول خبریں اہم خبریں

مقبول خبریں