غزہ سے اسرائیلی علاقے کی جانب راکٹ فائر

غزہ کے ساتھ سرحدی باڑ پر فائرنگ کا تبادلہ ،کوئی شخص ہلاک یا زخمی نہیں ہوا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

غزہ کی پٹی سے تعلق رکھنے والے فلسطینی مزاحمت کاروں نے اسرائیل کے جنوبی علاقے کی جانب ایک راکٹ فائر کیا ہے لیکن اس سے کوئی جانی یا مالی نقصان نہیں ہوا ہے۔

اسرائیلی فوج کی ایک خاتون ترجمان نے فرانسیسی خبررساں ادارے اے ایف پی کو بتایا ہے کہ یہ راکٹ شعار حانیگیف کے علاقے میں ایک کھلی جگہ پر گرا ہے۔

اسرائیلی فوج کے ایک اور ترجمان لیفٹیننٹ کرنل پیٹر لرنر نے جمعہ کو غزہ کی پٹی کے ساتھ سرحدی باڑ کے نزدیک تعینات اسرائیلی فوجیوں پر فائرنگ کی بھی اطلاع دی ہے اور ایک ٹویٹ میں بتایا ہے کہ اس کے جواب میں صہیونی فوجیوں نے بھی فائرنگ کی ہے لیکن اس واقعہ میں کوئی شخص زخمی نہیں ہوا ہے۔

واضح رہے کہ گذشتہ چند ہفتوں کے وقفے کے بعد غزہ سے اسرائیل کی جانب راکٹ داغا گیا ہے۔اسرائیلی فوج کے فراہم کردہ اعداد وشمار کے مطابق 2014ء کے آغاز کے بعد سے غزہ سے فلسطینی مزاحمت کاروں نے اسرائیل کے جنوبی علاقے کی جانب ایک سو سے زیادہ راکٹ فائر کیے ہیں۔

مقبول خبریں اہم خبریں

مقبول خبریں