.

یو اے ای میں زلزلے کے ہلکے جھٹکے محسوس کیے گیے

پہلی اشاعت: آخری اپ ڈیٹ:

العربیہ ٹی وی کی رپورٹ کے مطابق ایران کے علاقے کیشھم میں منگل کے روز زلزلہ آیا جس کی شدت ریختر سکیل پر 5.22 تھی۔

اس زلزلے کے اثرات متحدہ عرب امارات کی مختلف ریاستوں میں بھی محسوس کئے گئے جس کے بعد شہری اور دفتروں میں کام کرنے والے افراد کی بڑی تعداد کثیر المنزلہ عمارتیں خالی کر کے کھلے مقامات پر آ گئے۔

یو اے ای کے قومی مرکز موسمیات اور زلزلہ پیمائی نے ایران میں آنے والے زلزلے کی تصدیق مقامی ویب پورٹل ایمریٹس 24/7 سے بات کرتے ہوئی کی۔

مرکز موسمیات اور زلزلہ پیمائی مرکز کے مطابق زلزلے کا مرکز جنوبی ایران کے شہر کشھم سے ساٹھ کلومیٹر دور مشرق میں تھا۔ اہالیاں دبئی نے ٹویٹر پیغامات کے ذریعے بتایا کہ انہوں نے زلزلے کے معمولی جھٹکے محسوس کیے جس کے بعد لوگ کئی عمارتوں سے باہر نکل آئے۔

گذشتہ برس اپریل میں اس وقت متحدہ عرب امارات میں زلزلے کے جھٹکے محسوس کئے گئے جب پاکستان کے جنوبی مغربی علاقوں میں 7۔8 شدت کا زلزلہ آیا تھا۔