سعودی عرب: مخلوط محفل میں ہلڑ بازی پر گرفتاریاں

مذہبی پولیس نے گریجویشن کی خوشی میں منعقد پارٹی الٹ دی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کی مذہبی پولیس امر بالمعروف ونہی عن المنکر نے جدہ میں ایک مخلوط محفل پر چھاپہ مار کر ساٹھ خواتین اور پندرہ مردوں حراست میں لے لیا ہے۔

العربیہ ڈاٹ نیٹ کو اپنے ذرائع سے ملنے والی اطلاع کے مطابق یہ مخلوط تقریب یونیورسٹی سے گریجویشن کرنے والے طلباء اور طالبات نے منعقد کی تھی۔

ذرائع کے مطابق سعودی عرب کی ایک یونیورسٹی کے فارغ التحصیل چند طلباء نے تقریب منعقد کی جس میں شرکت کے لیے زیر تعلیم دیگر طلباء اور طالبات کو بھی دعوت دی گئی تھی۔ پولیس نے چھاپہ مار کر مخلوط محفل سے ستر سے زائد طلباء طالبات کو حراست میں لیا ہے۔ اس کے علاوہ ان کے قبضے سے نشہ آور مواد اور آلات موسیقی بھی برآمد ہوئے ہیں۔

ذرائع نے بتایا کہ پولیس نے ابتدائی تفتیش کے بعد 60 طالبات کو ان کے اہل خانہ کے حوالے کر دیا ہے جبکہ طلباء سے مزید تفتیش جاری ہے۔

مقبول خبریں اہم خبریں

مقبول خبریں