سعودی خواتین کی تجارتی کمپنیوں کی تعداد 54231 ہو گئی

ایک سال کے دوران 10184 کمپنیوں کا اضافہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی تجارتی میدان میں خواتین نے اپنے حصص میں اضافہ کر لیا ہے۔ گذشتہ سال کےدوران خواتین نے 10184 نئے کاروباری ادارے رجسٹر کرائے ہیں۔

سعودی وزارت تجارت کی سالانہ رپورٹ کے مطابق سعودی خواتین کی طرف سے رجسٹر کرائی گئی تجارتی کمپنیوں کی مجموعی تعداد 54231 ہو گئی ہے۔ ایک سال پہلے 2012 میں یہ تعداد 44047 تھی۔

واضح رہے سعودی وزارت تجارت نے خواتین کی تجارتی شعبے میں حوصلہ افزائی کرنے کے لیے کئی ایک پروگرام متعارف کرائے ہیں۔ رپورٹ کے مطابق خواتین کو کمپنیوں کے بورڈ اف ڈائریکٹرز کا رکن بننے اور اور ہر طرح کی تجارتی و صنعتی سرگرمیوں میں حصہ لینے کا حق حاصل ہے۔

اس وجہ سے خواتین اس میدان کے بارے میں اپنی آگاہی میں اضافہ کر رہی ہیں اور مقامی سطح کے علاوہ بین الاقوامی سطح پر بھی کاروباری سرگرمیوں میں برھ چڑھ کر حصہ لے رہی ہیں۔

اب تک خواتین کے کاروباری شعبے میں سرمایہ کاری 3 ارب سعودی ریال تک پہنچ چکی ہے، مجموعی طور پر کمپنیوں میں خواتین کی کمپنیوں کا حصہ چار اعشاریہ تین ہے۔ وزارت تجارت نے خواتین کی حوصلہ افزائی کے لیے خصوصی اقدامات کیے ہیں۔

مقبول خبریں اہم خبریں

مقبول خبریں