.

دو مصری بچوں کیلیے ماں کے انتقال کی خبر لائیو پروگرام میں

میزبان نے پروگرام شروع کرنے سے پہلے خبر روکے رکھی

پہلی اشاعت: آخری اپ ڈیٹ:

مصر کے دو ننھے بچوں کو ایک براہ راست نشر ہونے والے پروگرام میں شرکت کے دوران اپنی والہ کے انتقال کی خبر سننا پڑی۔ بچوں کی والدہ اس سے پہلے کومے میں چلی گئی تھی۔

تفصیلات کے مطابق پروگرام براہ راست نشر کیا جا رہا تھا کہ میزبان مبارک عبد النبی عبدالعظیم نے اسی دوران شرکت کرنے والے دو بہن بھائیوں کو اس اندوہناک خبر سے آگاہ کیا۔ ناظرین نے بچوں کی آہ و زاری کا منظر ٹی وی پر براہ راست دیکھا۔

معلوم ہوا ہے کہ مبینہ طور پر میزبان کو بچوں کی والدہ کے انتقال کی خبر پروگرام شروع ہونے سے پہلے ہی مل گئی تھی، لیکن اس نے یہ خبر پروگرام سے پہلے بچوں کے ساتھ شئیر نہ کی تھی۔

ننھے بچے اپنی زندگی کی بری ترین خبر سن کر پھوٹ پھوٹ کر رونا شروع ہو گئے۔ اس موقع پر میزبان نے بچوں کے ساتھ اظہار ہمدردی کیا لیکن پروگرام جاری رکھنا ممکن نہ رہا تو میزبان نے پروگرام میں وقفہ کر دیا۔