.

داعش کا شمالی شام میں اتحادی فوج کا جہاز گرانے کا دعوی

تباہ شدہ جہاز کے اردنی ہواباز کی تصاویر نیٹ پر جاری

پہلی اشاعت: آخری اپ ڈیٹ:

انسانی حقوق کی شامی آبزرویٹری نے بدھ کے روز بتایا کہ دولت اسلامی 'داعش' نے شمالی شام کے علاقے میں امریکی قیادت میں ان کے ٹھکانوں کو نشانہ ببانے والا اتحادی فوج کا ایک لڑاکا جہاز مار گرایا ہے۔ انتہا پسند گروپ نے تباہ ہونے والے جہاز کے اردنی ہواباز کو گرفتار کرنے کا دعوی بھی کیا ہے۔

لندن میں قائم آبزرویٹری کے مطابق: "ہم نے اس امر کی تصدیق کی ہے کہ داعش کے جنگجووں نے رقہ شہر کے قریب طیارہ شکن میزائل سے نشانہ لیکر اتحادی فوج کا ایک لڑاکا جہاز مار گرایا۔ جہاز کے غیر شامی عرب ہواباز کو داعش کے جنگجووں نے گرفتار کر لیا ہے۔"

الرقہ میں داعش کی شاخ نے گرفتار ہواباز کی تصاویر جہادی ویب سائٹ پر شائع کیں ہیں تاکہ پائیلٹ کی گرفتاری کی تصدیق ہو سکے۔ تصویر کے نیچے گرفتار پائلٹ کی شہریت اردنی بتائی گئی ہے۔

اس اطلاع کی کسی دوسرے آزاد ذریعے سے تصدیق نہیں ہو سکی کیونکہ جنگ زدہ شامی علاقوں میں ذرائع ابلاغ کی محدود رسائی کی وجہ سے ایسے واقعات کی تصدیق اور تفصیلات بآسانی نہیں ہو پاتی۔