.

’مذہبی بنیادوں پر عراق کی تقسیم قبول نہیں کریں گے‘

پہلی اشاعت: آخری اپ ڈیٹ:

عراق کے سرکردہ شیعہ رہ نما اور سپریم اسلامی کونسل کے چیئرمین عمار الحکیم نے کہا ہے کہ مذہبی اور مسلکی بنیادوں پر عراق کے وفاق کو توڑنے کی کسی سازش کو کامیاب نہیں ہونے دیا جائے گا۔

العربیہ ٹی وی کی رپورٹ کے مطابق اپنے دورہ ایران کے دوران تہران میں صحافیوں سے گفتگو کرتے ہوئے مسٹر الحکیم کا کہنا تھا کہ اگرچہ عراق کے دستور میں ملک کے وفاق کو قائم رکھنے کی ضمانت دی گئی ہے مگر مذہبی بنیادوں پر ملک تقسیم کرنے کی سازشیں بھی جاری ہیں۔ ہم عراق کے وفاق کو کسی صورت میں گزند نہیں پہنچنے دیں گے اور عراق کی سالمیت کابھرپور دفاع کریں گے۔