الخلیل: اسرائیلی فوجیوں نے ایک اور فلسطینی کو شہید کردیا

شہید فلسطینی پر اسرائیلی فوجیوں پر حملے کا الزام

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

اسرائیلی فوجیوں نے فلسطین کے مقبوضہ مغربی کنارے کے جنوبی شہر الخلیل میں ہفتے کے روز ایک اور فلسطینی نوجوان کو گولیاں مار کر شہید کردیا۔ چوبیس گھنٹے میں فلسطینی نوجوان کی شہادت کا دوسرا واقعہ ہے۔

العربیہ ڈاٹ نیٹ نے عینی شاہدین کے حوالے سے اطلاع دی ہے کہ ہفتےکے روز مسجد ابراہیمی کے قریب اسرائیلی فوجیوں نے ایک فلسطینی نوجوان پر گولیوں کی بوچھاڑ کردی۔ جس کے نتیجے میں وہ موقع پر ہی دم توڑ گیا۔

عینی شاہدین کا کہنا ہے کہ مقتول فلسطینی نے ایک اسرائیلی فوجی افسر پر خنجر سے چار حملےکیے جس کے نتیجے میں فوجی افسر زخمی ہوگیا۔ اس دوران ایک دوسرے فوجی نے اس پر گولی چلادی جس کے نتیجے میں وہ موقع پر ہی شہید ہوگیا۔

قبل ازیں ہفتے کو علی الصباح اسرائیلی پولیس نے بیت المقدس میں ایک سولہ سالہ لڑکے کو گولیاں مار کر شہید کردیا تھا۔

اسرائیلی پولیس کی ترجمان کا کہنا ہے کہ سولہ سالہ فلسطینی نے ’’زعیم‘‘ چیک پوسٹ پر ایک پولیس اہلکار پر چاقو سے حملے کی کوشش کی جس پر پولیس نے اسے گولیاں ما کرقتل کردیا، تاہم فلسطینی ذرائع نے اسرائیلی فوجیوں کے اس دعوے کی سختی سے تردید کی ہے اور کہا کہ فلسطینی لڑکے کو بے گناہ قتل کیا گیا ہے۔ وہ اپنی ہمشیرہ کےہمراہ گھر کی طرف جا رہا تھا کہ زعیم چیک پوسٹ پر روک کر اسے گولیاں مار دی گئیں۔

مقبول خبریں اہم خبریں

مقبول خبریں