.

گولان سرحد پر چار تخریب کار ہلاک: اسرائیلی فوج

پہلی اشاعت: آخری اپ ڈیٹ:

ایک اسرائیلی فوجی ذرائع کے مطابق اسرائیل اور شام کے درمیان موجود متنازعہ خطے گولان ہائیٹس میں ایک اسرائیلی طیارے نے سرحدی باڑ کے ساتھ دھماکا خیز مواد نصب کرنے والے چار شدت پسندوں کو مار ڈالا۔

نام ظاہر نہ کرنے کی شرط پر میڈیا سے بات کرنے والے ذرائع نے بتایا "چار دہشت گرد مجدل شمس کے قریب سرحدی باڑ کے ساتھ دھماکا خیز مواد نصب کررہے تھے اور ایک اسرائیلی جنگی طیارے نے انہیں نشانہ بنا کر ہلاک کردیا۔"

اسرائیلی فوجی ترجمان نے ایک جامع بیان میں بتایا کہ اسرائیلی فضائیہ نے اسرائیل اور شام کی سرحد پر شدت پسندوں کے ایک گروپ کو نشانہ بناتے ہوئے دہشت گردانہ کارروائی کو ناکام بنادیا ہے۔

سنہ 1967ء کی جنگ میں اسرائیل کے زیر تسلط آجانے والی گولان ہائیٹس میں کشیدگی دن بہ دن بڑھ رہی ہے۔ اسرائیل شام میں بشار الاسد کے اقتدار کے خاتمے کے لئے مصروف عمل اسلام پسند جنگجوئوں سے زیادہ خطرہ محسوس کررہا ہے۔