سعودی وزیر تعلیم عزام الدخیل عہدے سے سبکدوش

شاہی فرمان کے تحت کئی اہم حکومتی عہدیداروں کے تقرر وتبادلے

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کے وزیر تعلیم عزام الدخیل کو ان کی اپنی درخواست پر وزارت کے عہدے سے ہٹا دیا گیا ہے۔ عزام الدخیل کی جگہ احمد بن محمد العیسیٰ کو شاہی فرمان کے تحت وزارت تعلیم کا قلمدان سونپا گیا ہے۔

العربیہ ڈاٹ نیٹ کے مطابق سبکدوش ہونے والے وزیر تعلیم عزام الدخیل نے عہدہ چھوڑنے کی درخواست پیش کی تھی جسے غور کے بعد منظورکرلیا گیا تھا۔ قبل ازیں سول سروسز کے نائب وزیر ڈاکٹر صالح الشھیب کو بھی ان کی درخواست پر عہدے سے ہٹا دیا گیا تھا۔ شاہی فرمان کے تحت ڈاکٹر توفیق السدیری کو نائب وزیر برائے مذہبی امور و مساجد، ڈاکٹر عبدالعزیز الرویس کو مواصلات و فنی معلومات، ڈاکٹراحمد الفہید کو ٹیکنیکل و پروفیشنل ٹریننگ کے ادارے کا سربراہ مقرر کیا گیاہے۔

شاہی فرمان کے تحت انجینیر خالد السویکت کو ریلوے کے چیئرمین کے عہدے سے ہٹا کر ان جگہ ڈاکٹر رمیح الرمیح کو ریلوے کا چیئرمین مقرر کیا گیا۔ ان کے علاوہ علی الغفیض، انجینیر عبداللہ الضراب اور ڈاکٹر صالح الشھیب کو مجلس شوریٰ کے رکن مقرر کیا گیا ہے جب کہ ڈاکٹر جمعان بن رقوش کونائف سائنس یونیورسٹی کا صدر مقرر کیا گیا۔

مقبول خبریں اہم خبریں

مقبول خبریں