.

یمن میں اماراتی طیارہ گر کر تباہ ، 2 پائلٹ جاں بحق

پہلی اشاعت: آخری اپ ڈیٹ:

یمن میں آئینی حکومت کو واپس لانے کے لیے فوجی آپریشن میں مصروف عرب اتحادی افواج کی قیادت نے اعلان کیا ہے کہ یمنی اراضی میں پیر کی صبح متحدہ عرب امارات کا ایک میراج لڑاکا طیارہ گر کر تباہ ہوگیا جس کے نتیجے میں اس میں سوار دونوں پائلٹ جاں بحق ہوگئے.. طیارے کو حادثہ فنی خرابی کے سبب پیش آیا۔

اس سے قبل امارات نے یمن میں عرب اتحادی افواج میں شریک اپنی افواج کے ایک لڑاکا طیارے کے لاپتہ ہوجانے کا اعلان کیا تھا۔

ایک برطانوی خبر رساں ایجنسی نے مقامی یمنی ذمہ دار کے حوالے سے بتایا تھا کہ ملک کے جنوبی شہر عدن میں پہاڑی علاقے میں ایک اماراتی جنگی طیارہ گر کر تباہ ہوگیا اور طیارے کے پائلٹ کے بارے میں کوئی اطلاع نہیں ہے۔

عدن کے شمال میں واقع گورنری کے ڈائریکٹر جنرل ہانی الیزیدی نے بتایا کہ یمنی حکام کو پہاڑی علاقے میں گر کر تباہ ہونے والے طیارے کا ملبہ مل گیا ہے۔