.

شامی فوج نے دیر الزور ہسپتال داعش سے چھڑا لیا

پہلی اشاعت: آخری اپ ڈیٹ:

شام میں انسانی حقوق کی صورتحال پر نظر رکھنے والے ایک مانیٹرنگ گروپ نے بتایا ہے کہ بشار الاسد کی حامی فوج نے دیر الزور کے اس ہسپتال کا کنڑول دوبارہ حاصل کر لیا ہے جس پر انتہا پسند تنظیم نے ایک حملے کے بعد چند روز قبضہ کر لیا تھا ۔ حملے میں 35 شامی فوجی ہلاک ہوئے جبکہ داعش نے ہستپال عملے کے بعض افراد کو یرغمال بنا لیا تھا۔

اس کارروائی میں داعش نے فوجی بیس اور ہوائی اڈے کو سپلائی فراہم کرنے والی شاہراہ پر رکاوٹیں کھڑی کر دی تھیں، تاہم لڑائی میں داعش کو 24 جنگجوؤں کی ہلاکت کا نقصان اٹھانا پڑا۔

لندن میں قائم مانیٹرنگ گروپ کے مطابق دیر الزور کے گرد ونواح میں سرکاری فوج اور داعش کے درمیان جھڑپوں کا سلسلہ جاری ہے۔ کوارڈی نیش کمیٹیوں کے مطابق داعش نے دیر الزور کے فوجی ہوائی اڈے کے ارد گرد بشار الاسد فوج کے ٹھکانوں کا کنڑول حاصل کر لیا تھا۔

اس دوران بشار الاسد فوج کے ہیلی کاپٹروں نے حمص کے شمالی شہر تلبیسہ پر بیرل بموں سے حملہ کیا۔ کوارڈی نیشن کمیٹیوں ہی کے مطابق حلب کے محاذ پر بشار الاسد کی وفادار فضائیہ نے شہر کے مغربی مضافات میں متعدد بلدیہ کمیٹیوں کو نشانہ بنایا جس کی زد میں آ کر بڑی تعداد میں عام شہری ہلاک وزخمی ہوئے۔