.

یمن: حوثی اور صالح ملیشیاؤں کے ٹھکانوں پر شدید حملے

پہلی اشاعت: آخری اپ ڈیٹ:

عرب اتحادی افواج کے طیاروں نے جمعرات کے روز یمن کے دو صوبوں تعز اور الجوف میں حوثی ملیشیاؤں اور صالح فورسز کے ٹھکانوں اور کُمک پر بھرپور حملے کیے۔

میڈیا رپورٹوں کے مطابق اتحادی طیاروں نے ملک کے شمالی صوبے الجوف میں 7 فضائی حملے کیے۔ ان کے علاوہ "المصلوب الساقيہ" کے علاقے میں باغیوں کے 5 ٹھکانوں کو نشانہ بنایا گیا۔

اتحادی لڑاکا طیاروں نے تعز میں بھی حوثیوں کی کُمک اور ٹھکانوں پر بمباری کی۔

اس دوران بریگیڈ 35 کے عسکری کیمپ کے اطراف باغیوں کے ٹھکانوں کو نشانہ بنیا گیا۔ حملوں کے نتیجے میں متعدد گاڑیاں ، اسلحے کے کئی ڈپو اور دو ٹینک بھی تباہ کردیے گئے۔