سعودی شہر اَبہا پر داغا گیا بیلسٹک میزائل فضا میں تباہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کی فضائیہ نے پیر کی صبح یمنی اراضی سے مملکت کے شہر ابہا کی جانب داغے گئے ایک بیلسٹک میزائل کو تباہ کر دیا۔ واقعے میں کسی قسم کا جانی نقصان نہیں ہوا۔

بعد ازاں اتحادی افواج کے طیاروں نے میزائل کے لانچنگ پیڈ کو بمباری سے تباہ کر دیا۔ سعودی وزارت دفاع کی جانب سے جاری بیان میں باور کرایا گیا ہے کہ ان نوعیت کی ہر کارروائی کو پسپا کر دیا جائے گا۔

بیان کے مطابق میزائل داغنے کی حالیہ کوشش بھی حوثی اور معزول صدر صالح کی ملیشیاؤں کی جانب سے کی جانے والی اُن بے مقصد کارروائیوں کا حصہ ہے ، جو وہ یمن کے بحران کے سیاسی حل کے لیے جاری بین الاقوامی کوششوں کو ناکام بنانے کے واسطے کررہی ہیں۔ بیان میں کہا گیا ہے کہ مملکت سعودی عرب ، کویت میں جاری مشاورت کو کامیاب بنانے کے لیے عالمی برادری اور یمنی عوام کے حوالے سے اپنی ذمہ داریوں کا احترام کرتی رہے گی۔

ادھر اتوار کے روز سعودی عرب کے صوبے جازان کے مقابل یمنی علاقے میں سعودی توپوں کی گولہ باری کے بعد دونوں ملکوں کی سرحد پر نسبتاً خاموشی دیکھنے میں آئی۔ یہ گولہ باری ان بعض ملیشیاؤں کے ٹھکانوں پر کی گئی جنہوں نے سعودی عرب کے گنجان آباد سرحدی ضلعوں میں گرینیڈز داغنے کی کوشش کی تھی۔

مقبول خبریں اہم خبریں

مقبول خبریں