.

اماراتی شہری کو ’انسٹا گرام‘ پربھائی کی تصویرپرتبصرہ مہنگا پڑگیا

تصویر پرشرمناک کمنٹس کی پاداش میں اماراتی نوجوان کو قید اور جرمانہ کی سزا

پہلی اشاعت: آخری اپ ڈیٹ:

متحدہ عرب امارات کی ایک مقامی عدالت نے سماجی رابطے کی ویب سائیٹ ’انسٹا گرام‘ پربھائی کی تصویر پر یک لفظی متنازع تبصرہ کرنے کی پاداش میں ایک نوجوان کو اڑھائی لاکھ درہم اور تین ماہ کی قید کی سزا سنائی گئی ہے۔

العربیہ ڈاٹ نیٹ کے مطابق حال ہی میں خورفکان کی مقامی عدالت کے جج عمار الجیلانی کے سامنے اماراتی پولیس کی جانب سے ایک نوجوان کا کیس پیش کیا گیا۔ کیس کی سماعت کے وقت پراسیکیوٹر سلیمان صالح الکعبی اور سیکرٹری عبداللہ مرید بھی موجود تھے۔ پولیس کے بیان کے مطابق انہیں حال ہی میں ایک شکایت موصول ہوئی جس میں بتایا گیا کہ انسٹا گرام پر پوسٹ ایک شہری کی تصویر پرشرمناک لفاظ پرمبنی تبصرہ کیا گیا ہے۔ اس پر پولیس نےمتعلقہ شہری کو طلب کرکے اس سے پوچھ گچھ کی۔ اس نے بتایا کہ تصویر پرتبصرہ اس کے بھائی نے کیا ہے۔

بعد ازاں اس کے چھوٹے بھائی کو طلب کیا گیا تو اس نے تسلیم کیا کہ بھائی کی تصویر پرتبصرہ اس نے ہی کیا تھا۔ اس پرعدالت نے ملزم کو تین ماہ قید اور اڑھائی لاکھ درہم جرمانہ ادا کرنے کی سزا کا حکم دیا ہے۔

ملزم نے سزا کے خلاف اپیل کورٹ میں درخواست دائر کی ہے جس کی سماعت 19 جولائی کو ہوگی۔