.

لندن: محمد بن راشد مزدور طبقے کے درمیان میٹرو ٹرین میں

پہلی اشاعت: آخری اپ ڈیٹ:

پیر کی شام برطانوی دارالحکومت لندن میں میٹرو ٹرین کے مسافر اس وقت حیران رہ گئے جب انہوں نے اپنے درمیان متحدہ عرب امارات کے نائب صدر اور دبئی کے حکمراں الشیخ محمد بن راشد آل مکتوم کو دیکھا جو ٹرین کی نشست پر اپنے بیٹے اور دبئی کے ولی عہد الشیخ حمدان بن محمد بن راشد کے ساتھ بیٹھے ہوئے تھے۔ اس دوران بہت سے مسافروں نے ان کی تصاویر لے کر سوشل میڈیا پر نشر کر دیں۔

الشیخ محمد بن راشد بہت سے برطانوی شہریوں کے نزدیک مشہور اور محبوب عرب شخصیات میں سے ایک ہیں۔ اس کی وجوہات میں دبئی کا حکمراں ہونا شامل اس لیے کہ کہ ہر سال ہزاروں برطانوی وہاں کا رخ کرتے ہیں۔ اس کے علاوہ الشیخ محمد گھڑ سواری اور گھوڑوں کی دوڑ میں ایک عالمی ستارے کی حیثیت رکھتے ہیں اور ان کھیلوں کو برطانیہ میں بڑی مقبولیت حاصل ہے۔

برطانوی اخبار "ڈیلی ٹیلی گراف" جس نے ٹرین میں بیٹھے ہوئے الشیخ محمد کی وڈیو بھی جاری کی ہے ، اس نے اس جانب اشارہ کیا ہے کہ دبئی کے حکمراں عام لوگوں کے ساتھ بیٹھے ہیں اور ان کے اطراف کوئی محافظ نہیں ہے۔ یہ صورت حال معمول کے برخلاف ہے اس لیے کہ عام طور پر عرب ذمہ داران اور حکمرانوں کے اطراف پہرے داروں کی بڑی تعداد ہوتی ہے۔

اخبار کے مطابق الشیخ محمد کا شمار سوشل میڈیا پر انتہائی با اثر اور سرگرم شخصیات میں ہوتا ہے جہاں "ٹوئیٹر" پر ان کے فالوورز کی تعداد 18 لاکھ سے زیادہ ہے۔

واضح رہے کہ لندن میں "میٹرو ٹرین" روزانہ آمدورفت کا ذریعہ ہے جس کو لاکھوں برطانوی بالخصوص نوکری پیشہ ، غریب افراد اور مزدور طبقہ استعمال کرتا ہے۔ رش کے اوقات میں میٹرو ٹرینوں میں شدید بھیڑ نظر آتی ہے۔