عراق : دوسری بیوی کی خاطر بیٹے کو موت کی نیند سلا دیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

عراق کے ضلع الفاو میں پولیس نے ایک شخص کو گرفتار کیا ہے جس پر یہ الزام ہے کہ اس نے اپنی دوسری بیوی کو راضی کرنے کے لیے اپنے 11 سالہ بیٹے پر تشدد کیا یہاں تک کہ وہ اپنی جان سے ہاتھ دھو بیٹھا۔

بصرہ کی پولیس کمان کی جانب سے جاری بیان میں بتایا گیا ہے کہ عراقی تعزیرات کی دفعہ 405 کے تحت بچے کے باپ کو دانستہ اقدام قتل کے اور اس کی بیوی کو قتل پر اکسانے کے الزام میں گرفتار کیا گیا ہے۔ دونوں افراد کو تحقیقات مکمل کرنے کے بعد عدالت میں پیش کیا جائے گا۔

ذرائع کے مطابق قاتل باپ نے اپنے بیٹے کو مارا پیٹا اور پھر گھر کے لاؤنج میں سخت گرمی میں بنا کسی ٹھنڈک کے آلات محبوس کردیا۔ بچے کو پانچ روز تک بھوکا رکھا گیا جس کے نتیجے میں وہ موت کی نیند سو گیا۔ بچے کی عمر جب دو برس تھی تو اس کی حقیقی ماں فوت ہو گئی تھی اور بچے کی پرورش اس کی نانی نے کی۔ تاہم بعد ازاں بچے کے باپ نے اسے نانی سے لے لیا تھا۔

مقبول خبریں اہم خبریں

مقبول خبریں