دمام: فائرنگ سے دو سعودی پولیس اہلکار جاں بحق

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کے مشرقی شہر الدمام کی الخضریہ کالونی میں ہفتے کے روز ڈیوٹی پر مامور ایک پولیس پارٹی پر نامعلوم مسلح افراد نے فائرنگ کی، جس کے نتیجے میں کم سے کم دو پولیس اہلکار جاں بحق ہو گئے۔

العربیہ ڈاٹ نیٹ کو اپنے ذریعے سے اطلاع ملی ہے کہ پولیس کی گشتی پارٹی کے دو اہلکار’فورڈ‘ ماڈل کی ایک گاڑی پر سوار تھے اور الخضریہ میں گشت کر رہے تھے۔ اس دوران نامعلوم مسلح افراد نے ان پر مشین گن سے اندھا دھند گولیاں برسائیں جس کے نتیجے میں موسی علی محی القبی اور العریف محاسن ضیف اللہ الروقی نامی پولیس اہلکار جاں بحق ہو گئے۔

خیال رہے کہ الخضریہ کالونی گاڑیوں کی مرمت کے حوالے سےمشہور ہے۔ فائرنگ کا تازہ واقعہ ظہران کے قریب الجبیل روڈ پر پیش آیا۔ اس کے نزدیک العنود نامی کالونی میں ماضی میں بھی اس طرح کے واقعات پیش آتے رہے ہیں۔ حکام کے واقعے کی تحقیقات شروع کر دی ہیں۔

مقبول خبریں اہم خبریں

مقبول خبریں