سعودی نوجوان نے برقی زینوں میں پھنسے بچے کی جان بچا لی

گورنر کی جانب سے عمر العثیم کی حوصلہ افزائی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

سعودی عرب میں برقی زینوں میں پھنس جانے والے ایک کم سن بچے کی جان بچانے پر ایک مقامی نوجوان کی عوامی اور حکومتی سطح پر اس کی تحسین کی جا رہی ہے۔

العربیہ ڈاٹ نیٹ کے مطابق القصیم گورنری میں ایک عمارت میں برقی سیڑھیوں پر چڑھتے ہوئے ایک بچہ اچانک درمیان میں معلق ہو گیا تھا۔ سعودی عرب کے ایک نوجوان نے کئی فٹ کی بلندی سے گرنے سے قبل ہی بچے کو بچا لیا۔ بچے کی جان بچانے کا واقعہ سی سی ٹی وی کیمرے میں محفوٖظ ہو گیا تھا۔ اس واقعے کی فوٹیج منظرعام پرآنے کے بعد القصیم کے گورنر شہزادہ ڈاکٹر فیصل بن مشعل نے عمر العثیم کو اپنے دفتر میں مدعو کیا جہاں بچے کی زندگی بچانے پر اس کی تحسین اور حوصلہ افزائی کی گئی۔

ویڈیو فوٹیج میں ایک بچے کو برقی سیڑھیوں کے درمیان پھنسے دیکھا جا سکتا ہے۔ بچہ دوسری منزل پرسیڑھیوں میں معلق ہو گیا تھا۔ اس سے قبل کہ بچہ نہایت بلندی سے گرتا عمر العثیم نے اس کی زندگی بچالی۔ بچہ سیڑھیوں میں اس وقت پھنس گیا جب اس کے والدین اس سے آگے نکل گئے تھے۔

بچے کے والدین نے بھی عمر العثیم کا شکریہ ادا کیا ہے جب کہ سوشل میڈیا پر بھی اس کی بڑے پیمانے پر تعریف وتحسین کی جا رہی ہے اور اس کی بروقت امدادی کوشش کو سراہا جا رہا ہے۔

مقبول خبریں اہم خبریں

مقبول خبریں