شاہ عبدالعزیز کا دیو قامت پورٹریٹ گینیزبک میں شمولیت کے لیے تیار

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کی وزارت تعلیم نے جدہ شہرمیں قائم شاہ سعود الفیصل اسکول میں خادم الحرمین الشریفین شاہ عبدالعزیز مرحوم کا دیو قامت پورٹریٹ تیار کرکے ان کی تصاویر کا ایک نیا ریکارڈ قائم کیا ہے۔

العربیہ ڈاٹ نیٹ کے مطابق شاہ عبدالعزیز آل سعود کا پورٹریٹ سعودی عرب کے 86ویں قومی دن کے موقع پر تیار کیا گیا۔ دیو قامت پورٹریٹ کی نمائش کے موقع پرمحکمہ تعلیم ،سینیر سیکیورٹی افسران اور عام شہریوں کی بڑی تعداد موجود تھی۔

یہ پورٹریٹ سعودی آرٹیسٹ محمد العسیری نے نہایت محنت اور عرق ریزی سے تیار کیا۔ 216 مربع میٹر پرپھیلی یہ تصویر کسی سابق سربراہ مملکت کی اب تک کی سب سے بڑی تصویر ہے۔ پورٹریٹ کی تیاری میں کچی دھات الیکینوز کا استعمال کیاگیا۔ مسلسل چالیس روز تک تیاری کے عمل میں تصویرمیں الیکرولین رنگ استعمال کیے گئے۔ اب اسے دنیا کی سب سے بڑی پورٹریٹ کے طور پر گیینز بک آف ورلڈ ریکارڈ میں شامل کرنے کی تیاریاں کی جا رہی ہیں۔

مقبول خبریں اہم خبریں

مقبول خبریں