.

یمن:حکومتی فورسز سے جھڑپ میں اہم حوثی کمانڈر ہلاک

پہلی اشاعت: آخری اپ ڈیٹ:

’العربیہ‘ ٹیلی ویژن چینل کے ذرائع نے بتایا ہے کہ نھم کے محاذ پر حکومتی فورسز کے ساتھ ایک خونریز جھڑپ میں حوثی ملیشیا کے اہم کمانڈر عبدالخالق القرموشی کو ہلاک کردیا گیا ہے۔ ایک دوسری کارروائی میں حوثٰوں کے میڈیا وار کے انچارج کرنل احمد عبدالرحمان الخطیب اور اس کے متعدد ساتھی نجران کے قریب شمالی صعدہ میں ایک جھڑپ میں مارے گئے تھے۔

العربیہ ڈاٹ نیٹ کے مطابق عرب اتحادی فوج نے مغربی یمن میں الحدیدہ گورنری میں حوثی ملیشیا اور مںحرف سابق صدر علی عبداللہ صالح کے وفاداروں پر 8 مقامات پر فضائی حملے کیے ہیں جن میں دشمن کو بھاری جانی نقصان پہنچایا گیا ہے۔

ذرائع کے مطابق الجوف اور صعدہ کو ملانے والے علاقے المثلث میں العواضی پوائنٹ پر حکومتی فورسز اور باغیوں کے درمیان شدید جھڑپیں ہوئی ہیں۔ حکومتی فورسز العواضی پوائنٹ کا کنٹرول حاصل کرنے کے لیے پیش قدمی جاری رکھے ہوئے ہیں۔

حکومتی فورسز نے البقع اور صعدہ کے مغربی سمت میں واقع الیتمہ ڈائریکٹوریٹ کے آس پاس باغیوں کی بچھائی بارودی سرنگیں ختم کرنے کا آپریشن جاری رکھا ہوا ہے۔ عینی شاہدین کا کہنا ہے کہ الحدیدہ میں مںحرف سابق صدر علی عبداللہ صالح کی رہائش گاہ پر بمباری کی گئی ہے۔ الحدیدہ ہوائی اڈے پربھی گولہ باری کی گئی ہے۔