حلب پر فضائی بم باری جنگی جرائم ہیں : اقوام متحدہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

اقوام متحدہ میں انسانی حقوق کے ہائی کمشنر شہزادہ زيد بن رعد الحسين کا کہنا ہے کہ شام کے شہر حلب کے مشرقی حصے کا محاصرہ اور اس پر بم باری "تاریخی جہتوں کے حامل جرائم" ہیں جو جنگی جرائم کی حد تک پہنچ گئے ہیں اور ان میں شہریوں کی بڑی تعداد جاں بحق ہو چکی ہے۔

شہزادہ زید نے جمعے کے روز وڈیو لنک کے ذریعے اقوام متحدہ کی سلامتی کونسل میں بڑی قوتوں سے مطالبہ کیا کہ وہ اپنے اختلافات ایک جانب رکھ کر شام کی صورت حال کو بین الاقوامی عدالتِ جرائم کی استغاثہ تک پہنچائیں۔

دوسری جانب شام میں تحقیق کی بین الاقوامی کمیٹی کے سربراہ پاؤلو بنیرو کا کہنا ہے کہ کمیٹی حلب میں جنگی جرائم کی توثیق کا عمل جاری رکھے گی۔ انہوں نے بشار الاسد کی حکومت سے اپیل کی کہ وہ اس سلسلے میں مرتکب خلاف ورزیوں اور پامالیوں کے بارے میں معلومات فراہم کرے۔

مقبول خبریں اہم خبریں

مقبول خبریں