.

شام میں لڑائی.. حزب الله کی فٹ بال کھلاڑیوں کی بھرتی

پہلی اشاعت: آخری اپ ڈیٹ:

لبنان میں حزب اللہ کے زیر انتظام العہد فٹ بال کلب نے اپنے 19 سالہ کھلاڑی قاسم شمخہ کی موت پر تعزیت کا اظہار کیا ہے۔ قاسم گزشتہ روز شام میں جاری لڑائی میں "حزب الله" کی ملیشیاؤں کے ساتھ شرکت کے دوران ہلاک ہو گیا تھا۔

العہد کلب کے سکریٹری محمد عاصی نے فرانسیسی خبر رساں ایجنسی کو بتایا کہ قاسم کا نام کھیل کے میدان کا ہیرو ہونے کے سبب تو کلب کے ریکارڈ میں ہمیشہ زندہ رہے گا ساتھ ہی وہ وطن کے دفاع میں بھی ہیرو ثابت ہوا۔

قاسم 1997 میں پیدا ہوا اور اس کا تعلق لبنان کے جنوب میں واقع ایک گاؤں برج قلاویہ سے تھا۔

حزب اللہ کے زیر انتظام ویب سائٹوں پر تنظیم کے چھ ارکان کے نام جاری کیے گئے جو گزشتہ روز حلب میں مارے گئے تھے۔ ان میں حسين علی اسعد الموسوی ، فراس محمد قطيش ، قاسم علی شمخہ ، خليل محمد مرتضى ، شادی علی الزین اور سامر عادل عواضہ شامل ہیں۔

ادھر "جيشِ مجاهدين" نامی تنظیم نے حزب اللہ کے ایک پورے گروپ کی ہلاکت کا اعلان کیا ہے۔ اس گروپ کو حلب کے جنوبی نواحی علاقے میں ایک جگہ جمع ہونے پر " ٹاؤ" راکٹ کے ذریعے نشانہ بنایا گیا۔