لیبیا : بنغازی کے مغرب میں فوج کا جنگی طیارہ گر کر تباہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

لیبیا میں سرکاری فوج کی قیادت کے ایک اعلان کے مطابق اتوار کے روز بنغازی شہر کے مغرب میں ایک جنگی طیارہ گر کر تباہ ہو گیا۔

اعلان میں بتایا گیا ہے کہ مگ 23 ساخت کے طیارے کو قنفودہ کے علاقے میں موجود دہشت گرد گروپوں کی جانب سے تھرمل راکٹ کا نشانہ بنایا گیا جس کے نتیجے میں وہ گر کر تباہ ہوا تاہم طیارے کا ہوا باز حادثے میں محفوظ رہا۔ واضح رہے کہ قنفودہ کے علاقے میں اس وقت شدید لڑائی جاری ہے۔

بنغازی شہر کے مغرب میں لیبیا کے فضائی طیاروں کے حملوں میں بھی شدت آ گئی ہے جہاں ابھی تک دہشت گرد عناصر متعدد شہریوں کو انسانی ڈھال بنا کر چُھپے ہوئے ہیں۔

ایک سرکاری بیان کے مطابق لیبیا کی فوج نے قنفودہ کے مقابل واقع علاقے بوصنیب میں بڑی پیش قدمی کر لی ہے اور وہاں فوجی آپریشن اپنے اختتام کے قریب ہے جب کہ قنفودہ میں دہشت گردوں کے ٹھکانوں پر لڑاکا طیاروں کی بم باری کا سلسلہ جاری ہے۔

مقبول خبریں اہم خبریں

مقبول خبریں