امارات: ایرانی سفارت خانے کا ناظم الامور طلب، احتجاجی یادداشت حوالے

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

متحد عرب امارات نے جمعرات کے روز ابوظبی میں ایرانی سفارت خانے کے ناظم الامور کو طلب کر کے ایران کی جانب سے حوثی ملیشیاؤں کو ہتھیاروں کی فراہمی پر احتجاج کیا۔

سرکاری نیوز ایجنسی "وام" کے مطابق امور خارجہ اور قانونی امور کے لیے بین الاقوامی تعاون کے اماراتی نائب وزیر عبدالرحيم العوضی نے ایرانی ناظم الامور کو طلب کر کے احتجاجی یادداشت حوالے کی۔ یادداشت میں کہا گیا ہے کہ ایران کا یمن میں آئینی حکومت کے خلاف بغاوت کرنے والی ملیشیاؤں کو غیر قانونی شکل میں ہتھیاروں کا فراہم کرنا.. سلامتی کونسل کی قراردادوں کی صریسح خلاف ورزی ہے جو اس عمل پر پابندی عائد کرتی ہیں۔

العوضی کے مطابق اس سلسلے میں یمن کے متعلق سلامتی کونسل کی قرارداد 2216 بالکل واضح ہے۔ ایرانی اسلحے کے ضمن میں ڈرون طیاروں کی بھی فراہمی کی گئی ہے جس کو کچھ عرصہ قبل عرب اتحادی افواج نے نشانہ بنایا اور یہ متعلقہ بین الاقوامی قراردادوں کی کھلی خلاف ورزی ہے۔

مقبول خبریں اہم خبریں

مقبول خبریں