.

سوشل میڈیا نے معاشرتی واسلامی اقدار کوتباہ کیا:امام کعبہ

پہلی اشاعت: آخری اپ ڈیٹ:

امام کعبہ الشیخ ڈاکٹرسعود الشریم نے کہا ہے کہ سوشل میڈیا نے جہاں لوگوں میں بیداری اور شعور کےفروغ میں مدد کی وہیں اس کا ایک دوسری اور انتہائی تباہ کن پہلو یہ ہے کہ اس نے اسلامی اور معاشری روایات کوتباہ برباد کرکے رکھ دیا۔

العربیہ ڈاٹ نیٹ کے مطابق مسجد حرام میں نماز جمعہ کے اجتماع سے خطاب کرتے ہوئےالشیخ الشریم نے کہا کہ مال ودولت اور جدید آلات وسائل بھی اللہ کی نعمتیں ہیں مگر ہم ان کا غلط استعمال معاشرے اور اسلامی روایات واقدار کے لیے تباہ کن ہے۔

جدید ابلاغی الات وسائل نے دنیا کو ایک بستی میں تبدیل کیا۔ ان وسائل کی مدد سے ہم اپنے اقارب سے دور ہونے کے باوجود رابطےمیں ہیں اور قریب ہیں۔ مگر سوشل میڈیا کا ایک غیرسماجی پہلو ہے۔ اس منفی پہلو نے نوجوان نسل کے دل ودماغ اور بصارت وسماعت ہرچیز پر منفی اثرات ڈالے اور ہم اپنی دینی اور معاشری روایت کو فراموش کرتے جا رہے ہیں۔ خطبہ جمعہ میں انہوں نے مسلمانوں پر تقویٰ اختیار کرنے اور اللہ اور اس کے رسول کی اطاعت میں زندگی گذارنے کا اپنا شعار بنانے پر زور دیا۔