فلسطینی کی فائرنگ، چاقو کے وار سے چار اسرائیلی زخمی`

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

اسرائیلی پولیس کے مطابق صہیونی ریاست کے دارالحکومت تل ابیب میں بتا تکفا کے شہر کے ایک مصروف بازارمیں ایک فلسطینی کی فائرنگ اور چاقو کے حملے میں کم سے کم چار اسرائیلی زخمی ہوگئے۔

العربیہ ڈاٹ نیٹ کے مطابق اسرائیلی پولیس کی جانب سے جاری کردہ ایک بیان میں بتایا گیا ہے کہ حملہ آور دریائے اردن کے مغربی کنارے کے علاقے سے تل ابیب آیا تھا۔ فائرنگ اور چاقو کے حملے میں زخمی ہونے والے تمام افراد کو اسپتال منتقل کردیا گیا ہے۔

اسرائیلی پولیس ترجمان میکی روزن فیلڈ نے بتایا کہ غرب اردن سے آئے ایک مشتبہ فلسطینی مزاحمت کار نے تل ابیب کے مشرق میں 10 کلو میٹر دور بتاح تکفا میں ایک بازار میں یہودی آباد کاروں پر فائرنگ کی جس کے نتیجےمیں دواسرائیلی زخمی ہوگئے۔ دو افراد چاقو کے حملے میں زخمی ہوئے ہیں۔ پولیس کا کہنا ہے کہ حملہ آور کو حراست میں لینے کے بعد اس سے تفتیش شروع کردی گئی ہے۔

خیال رہے کہ فلسطین میں اکتوبر 2015ء کو شروع ہونے والی عوامی مزاحمتی تحریک میں فلسطینی شہریوں کی جانب سے یہودی آباد کاروں اور فوجیوں پر چاقو سے حملوں، فائرنگ اور گاڑیوں تلے کچلنے کے واقعات میں اضافہ ہوا ہے۔ اسرائیل تشدد کی تازہ لہر کا قصور وار فلسطینی قیادت کو ٹھہراتا ہے۔ صہیونی ریاست کا کہنا ہے کہ فلسطینی لیڈر شپ اسرائیل کے خلاف عام شہریوں کو اکسا رہی ہے۔ مگر فلسطینی اتھارٹی کا کہنا ہے کہ اس کےسیکیورٹی ادارے اسرائیلیوں پرہونے والے حملوں کو روکنے میں اہم کردار ادا کررہے ہیں۔ تشدد پر اکسانے کا الزام قطعا بے بنیاد ہے۔ البتہ فلسطینی اتھارٹی خود مختار فلسطینی مملکت کےقیام کے لیے سیاسی سطح پر جدو جہد کر رہی ہے۔

مقبول خبریں اہم خبریں

مقبول خبریں