.

دمشق کے نواح میں بشار اور حزب اللہ کے ٹھکانوں پر اسرائیلی بم باری

پہلی اشاعت: آخری اپ ڈیٹ:

اسرائیل کے ایک معروف اخبار نے انکشاف کیا ہے کہ اسرائیلی فضائیہ کے طیاروں نے گزشتہ رات شامی دارالحکومت دمشق کے نواحی علاقوں پر حملہ کیا۔

اسرائیلی اخبار " یدیعوت احرونوت" کی رپورٹ میں ان مقامات کا ذکر نہیں ہے جن کو کارروائی میں نشانہ بنایا گیا۔

ادھر شام میں انسانی حقوق کے نگراں گروپ نے ذرائع کے حوالے سے بتایا ہے کہ بم باری میں دمشق کے شمال مشرقی نواح میں جبال القطیفہ کے علاقے میں اسلحے کے ڈپوؤں پر 6 میزائل داغے گئے۔

ابھی تک یہ معلوم نہیں ہو سکا کہ مذکورہ اسلحہ ڈپو بشار حکومت یا پھر لبنانی تنظیم حزب اللہ کے زیر انتظام ہیں۔