.

شام:ڈیمو کریٹک فورسز پہلی بار دیر الزور میں داخل

پہلی اشاعت: آخری اپ ڈیٹ:

شام میں امریکا کی حمایت یافتہ عسکری گروپ ڈیموکریٹک فورسز پہلی بار داعش کے زیرتسلط شہر دیر الزور میں داخل ہونے میں کامیاب ہوگئی ہے۔

منگل کو کرد عسکری ذرائع کی جانب سے بتایا گیا ہے کہ امریکی مدد سے ڈیموکریٹک فورسز کے جنگجو داعش کے زیر تسلط شہر دیر الزور میں داخل ہوئے ہیں۔

دیر الزور میں شامی اپوزیشن گروپ کی تازہ پیش قدمی ایک ایسے وقت میں ہوئی ہے جب دوسری جانب شام میں داعش کے گڑھ الرقہ شہر کا محاصرہ کرنے کے بعد اس شہر کوبھی داعش سے چھڑانے کی تیاریاں کی جا رہی ہیں۔

ذرائع نے خبر رساں ادارے’رائیٹرز‘ کو بتایا کہ ڈیموکریٹک فورسز دیر الزور کے شمالی حصے سے اندر داخل ہوئی ہیں اور انتہا پسندوں سے متعدد دیہات بھی چھین لیے ہیں۔