روس شام میں حزب اللہ کا کردار کم کر رہا ہے : شامی اپوزیشن

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

شامی اپوزیشن کے ذرائع کے مطابق روسی افواج کا ایک بریگیڈ دارالحکومت دمشق کے نواح میں وادی بردی کے جنوب مغرب میں النبی ہابیل بیرک میں تعینات کر دیا گیا ہے۔ یہاں سے روسی فوجیوں کو اُن علاقوں میں بھیجا جائے گا جنہیں حزب اللہ اپنے زیر اثر علاقے ہونے کا دعوی کرتی ہے۔ یہ بات العربیہ نیوز چینل نے ہفتے کے روز بتائی۔

شامی اپوزیشن نے بتایا ہے کہ وادی بردی کے علاقے میں بڑی تعداد میں روسی فوجی پولیس کےاہل کار متعین کر دیے گئے ہیں جہاں دمشق کے نواح میں الہامہ کے علاقے میں ایک فوجی چیک پوسٹ بھی قائم کر دی گئی ہے۔

اس سے قبل حزب اللہ ملیشیاؤں نے دمشق کے نواح میں واقع شہروں اور قصبوں پر اپنے عسکری وجود کو مسلط کر دیا تھا۔ یہ رسوخ بیروت کے پُل سے شروع ہو کر وادی بردی اور الزبدانی کے دیہات سے ہوتا ہوا سرغایا اور لبنانی سرحد تک پھیلا ہوا ہے۔

مقبول خبریں اہم خبریں

مقبول خبریں