.

"پابندی کا شکار" ممالک کے مسافر بھی امریکا آ سکتے ہیں:ایمریٹس

پہلی اشاعت: آخری اپ ڈیٹ:

دبئی کی فضائی کمپنی ایمریٹس نے جمعرات کے روز بتایا ہے کہ امریکی ذمے داران نے فضائی کمپنی کو اس امر سے آگاہ کیا ہے کہ امریکی وفاقی عدالت کی جانب سے صدر ڈونلڈ ٹرمپ کے فیصلے پر عمل درامد معطل کیے جانے کے بعد زیرِ پابندی آنے والے ممالک کے شہری بھی امریکا کا سفر کر سکتے ہیں۔

ترمیم کے بعد چھ مسلم اکثریتی ممالک کے شہریوں پر امریکا میں داخلے پر پابندی کا قانون نافذ العمل ہونے سے چند گھنٹے قبل ہاوائی میں وفاقی عدالت کے جج نے بدھ کے روز اس نئے صدارتی فرمان پر عمل درامد معطل کرنے کا حکم جاری کر دیا۔

ایمریٹس فضائی کمپنی کی ترجمان نے برطانوی نیوز ایجنسی کو ای میل کے ذریعے ارسال کردہ بیان میں کہا ہے کہ امریکا میں کسٹم اور سرحدی حکام کی انتظامیہ نے ایک رپورٹ جاری کی ہے جس میں بتایا گیا ہے کہ سفری دستاویزات مکمل ہونے کی صورت میں ایران ، لیبیا ، شام ، صومالیہ ، سوڈان اور یمن کے شہریوں کے امریکا کے سفر کو قبول کر لیا جائے گا۔

ترجمان کے کے مطابق ایمریٹس فضائی کمپنی کی جانب سے امریکی رپورٹ کے مندرجات کی پابندی کی جائے گی۔