.

موصل: داعش تنظیم اپنے سب سے بڑے بریگیڈ کے مرکز سے محروم

پہلی اشاعت: آخری اپ ڈیٹ:

عراق کی وفاقی پولیس نے جمعے کے روز موصل شہر میں داعش تنظیم کے ایک سب سے بڑے بریگیڈ "ریاض الصالحین" کے صدر دفتر پر کنٹرول حاصل کر لیا ہے۔ مرکز سے مختلف دستاویزات کے علاوہ مختلف نوعیت کا گولہ بارود، اسلحہ اور رابطوں کے آلات برآمد کر لیے گئے۔ یہ بات وفاقی پولیس کے سربراہ میجر جنرل شاکر جودت کی جانب سے جاری بیان میں بتائی گئی۔

یاد رہے کہ سکیورٹی فورسز کو موصل شہر کے مغربی حصے کو آزاد کرانے کے لیے جاری آپریشن کے دوران داعش تنظیم کے خلاف گھمسان کے معرکوں کا سامنا ہے۔ البتہ شدت پسند تنظیم تیزی کے ساتھ کمزوری کا شکار ہو رہی ہے۔

عراقی فورسز نے داعش تنظیم کے مرکزی گڑھ مغربی موصل کو آزاد کرانے کے لیے آپریشن کا آغاز 19 فروری سے کیا تھا۔ اب تک یہ فورسز شہر کے اندر متعدد علاقوں کے علاوہ ہوائی اڈے اس کے نزدیکی ایک فوجی اڈے اور اطراف میں واقع دیہات کو آزاد کرانے میں کامیاب ہو چکی ہیں۔