.

کیا حوثیوں نے یمن کو ایران کے ہاتھ کوڑیوں کے مول بیچ ڈالا ؟

پہلی اشاعت: آخری اپ ڈیٹ:

یمنی معزول صدر علی عبداللہ صالح کی جماعت کے ایک رہ نما عادل الشجاع نے حوثیوں پر الزام عائد کیا ہے کہ انہوں نے یمن کو ایران کے ہاتھ کوڑیوں کے مول بیچ دیا۔

الشجاع نے اپنے فیس بک صفحے پر کہا کہ حوثی عناصر ایران کے ساتھ مربوط ہیں اور ان کی چیخ و پکار ہی انہیں رسوا کر رہی ہے۔ الشجاع نے واضح کیا کہ "امریکا مردہ باد" کا نعرہ ایرانی ترانہ ہے۔ الشجاع کے مطابق یہ خمینی ثقافت کی نمائندہ ایک علامت ہے جو تہران سے بیروت کے جنوبی نواحی علاقے ضاحیہ منتقل ہوئی اور اس کے بعد صنعاء پہنچی۔

معزول صالح کی جماعت کے رہ نما نے باور کرایا کہ حوثی ملیشیائیں شدت پسند نسل پرستانہ سوچ کی پیداوار ہیں جن کے نزدیک ان کی بقاء کا سلسلہ صرف بندش کی صورت میں ہی جاری رہ سکتا ہے۔