.

مسجد حرام میں رش کنٹرول کرنے والا شعبہ کیسے کام کرتا ہے؟ جانئے

پہلی اشاعت: آخری اپ ڈیٹ:

مکہ مکرمہ میں مسجد حرام کے اندر اور اس کے اطراف میں انسانوں کا رش.. جی ہاں یہ حرمِ مکّی میں مجمع اور بھیڑ کو سنبھالنے والی انتظامیہ کے روازنہ اجلاسوں اور بات چیت کا مرکزی عنوان ہوتا ہے۔

انتظامیہ کے کام کے طریقہ کار کے حوالے سے مسجدِ حرام میں رش کنٹرول کرنے والے شعبے کے ڈائریکٹر فارس ملا نے "العربیہ" سے گفتگو کرتے ہوئے بتایا کہ "حرمِ مکی میں ہجوم کو منظم رکھنے کی ذمے دار انتظامیہ زمینی طور پر نظر رکھ کر بھیڑ والے گنجان مقامات کا اندازہ کرتی ہے۔ علاوہ ازیں زمینی سروے کے نتائج متعلقہ سکیورٹی اداروں کو جائزے کے لیے پیش بھی کیے جاتے ہیں"۔

فارس ملا کا مزید کہنا ہے کہ "انتظامیہ کے تربیت یافتہ اہل کار سعودی نوجوان ہیں اور ہم ہجوم کو منظم رکھنے کے لیے بہت سے حل تلاش کرنے میں کامیاب ہوئے ہیں۔ اس کے علاوہ رش کے عروج کے اوقات میں مخصوص ٹیمیں گشت کے ذریعے مطالعاتی جائزوں کے سلسلے میں سرگرم رہتی ہیں"۔