بے گناہوں کا قتل بلا تقریق مذہب حرام ہے: آل الشیخ

پہلی اشاعت: آخری اپ ڈیٹ:
مطالعہ موڈ چلائیں
100% Font Size

سعودی عرب کی امر بالمعروف ونہی عن المنکر اتھارٹی کے سابق چیئرمین ڈاکٹر عبداللطیف آل الشیخ نے کہا ہے کہ جن لوگوں نے الحرم المکی کو نشانہ بنانے کی کوشش کی ان کی برین واشنگ کی گئی تھی جنہوں نے نہ رمضان کی حرمت کا خیال کیا، نہ نمازیوں کے تقدس اور نہ ہی آخری عشرہ کی برکتیں ان کا راستہ روک سکیں۔

’’العربیہ ‘‘ نیوز چینل سے بات کرتے ہوئے انہوں نے سیکیورٹی اہلکاروں کو شاندار خراج تحسین پیش کرتے ہوئے کہا کہ حرم پاک پر دہشت گرد حملہ ناکام بنا کر سیکیورٹی اہلکاروں نے ہزاروں معصوم زندگیوں کو محفوظ بنایا ہے۔’’ مسجد الحرام پر حملہ کرنے والے باغی ہیں اور یہ کچھ بھی کر گزرنے سے باز نہیں رہتے۔ مسلمانوں پر لازم ہے کہ وہ دہشت گردوں اور ان کی حمایت کرنے والوں کے خلاف واضح موقف اختیار کریں۔‘‘

انہوں نے کہا کہ دہشت گردوں کے سہولت کار ان کے جرائم میں برابر کے شریک ہیں۔ عبداللطیف آل الشیخ نے یہ بات زور دے کر کہی کہ جو ملک دہشت گردی کی حمایت کرتے ہی ہیں مسلمان انہیں روکیں۔

مقبول خبریں اہم خبریں