حوثیوں نے مفرور جنگجوؤں کو موت کی نیند سُلا دیا: یمنی چیف آف اسٹاف

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

یمنی فوج کے چیف آف اسٹاف محمد علی المقدشی کا کہنا ہے کہ حوثی باغیوں نے مارب صوبے میں لڑائی کے محاذوں سے فرار ہونے والے اپنے ارکان کو اجتماعی شکل میں موت کے گھاٹ اتارنے کی کارروائیاں کیں۔

العربیہ نیوز چینل کے مطابق المقدشی نے اُن جنگجوؤں کو موت کے گھاٹ اتارے جانے کی مذمت کی جنہوں نے صراوح کے علاقے میں اپنے ٹھکانوں کو یہ جان کر چھوڑ دیا تھا کہ وہ ایک ہارے ہوئے معرکے میں لڑ رہے ہیں۔ المقدشی نے دھمکی دی کہ یمنی عوام کے خلاف جرائم کے ارتکاب پر حوثی قیادت کو عدالت کے کٹہرے میں لایا جائے گا۔

المقدشی کا یہ بیان ہفتے کے روز مارب صوبے میں صراوح کے شمال مغرب میں سرکاری فوج کے ٹھکانوں کے دورے کے دوران سامنے آیا۔

یاد رہے کہ اس سے پہلے بھی یمنی ذرائع ابلاغ اور تعز میں انسانی حقوق کے کارکنان یہ انکشاف کر چکے ہیں کہ حوثیوں نے لڑائی کے محاذوں سے بھاگ جانے والے اپنے ارکان کو موت کی نیند سلا دیا جن میں بچے میں شامل ہیں۔

مقبول خبریں اہم خبریں

مقبول خبریں