یمنی فوج کا خالد کیمپ چھڑانے کے لیے آپریشن شروع

نیشنل آرمی نے کیمپ کا گھیراؤ کرلیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

یمن کی آئینی فوج اور اس کی حامی مزاحمتی ملیشیا نے المخا شہر میں واقع باغیوں کے مرکزی کیمپ خالد کو باغیوں سے چھڑانے کے لیے آپریشن کا آغاز کر دیا ہے۔

العربیہ کے مطابق یمنی فوج نے معسکر خالد کو باغیوں سے چھڑانے کے آپریشن سے قبل کیمپ کا متعدد اطراف سے محاصرہ کیا جس کے بعد کیمپ پر حملے شروع کردیے گئے ہیں۔

یمنی فورسز النجیبہ کے علاقے میں معسکر خالد کے مرکزی داخلی راستے پر پہنچ گئے ہیں جب کہ العصفوریہ میں گھمسان کی لڑائی کے بعد فورسز نے پیش قدمی شروع کردی ہے۔ آپریشن میں فوج کو عرب اتحادی فوج کی فضائی معاونت بھی حاصل ہے۔

درایں اثناء یمن کے عسکری ذریعے نے بتایا ہے کہ ملک کے مختلف علاقوں میں باغیوں کے خلاف آپریشن میں ایران نواز حوثی اور سابق مںحرف صدر علی عبداللہ صالح کی وفادار ملیشیا کے بڑی تعداد میں جنگجو ہلاک ہوئے ہیں۔ فوج نے باغیوں کے قبضے سے بڑی مقدار میں اسلحہ اور گولہ بارود بھی برآمد کیا ہے۔

مقبول خبریں اہم خبریں

مقبول خبریں