عراقی وزارت دفاع کا ایرانی میڈیا پر جھوٹ کا الزام

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

عراقی وزارت دفاع کا کہنا ہے کہ وزیر دفاع عرفان الحیالی نے ایسا کوئی بیان نہیں دیا جس میں یہ کہا گیا ہے کہ کردستان میں ریفرنڈم کے بعد کُرد ریاست کے قیام کی صورت میں عراقی فوج مداخلت کرے گی۔

وزارت دفاع نے باور کرایا کہ اس حوالے سے ایرانی خبر رساں ایجنسی فارس اور بعض ویب سائٹوں کی جانب سے نشر کی جانے والی خبر بے بنیاد ہے اور عراقی وزیر دفاع نے اس سلسلے میں کوئی بیان جاری نہیں کیا۔

واضح رہے کہ ایرانی خبر رساں ایجنسی فارس نے عراقی وزیر دفاع سے یہ بیان منسوب کیا تھا کہ عراقی فوج ملک کی تقسیم پر روک لگائے گی اور کسی بھی نئے فتنے کی اجازت نہیں دے گی۔ فارس کے مطابق عراقی وزیر دفاع عرفان الحیالی نے یہ بات اتوار کے روز تہران میں ایران کی قومی سپریم کونسل کے سکریٹری جنرل علی شمخانی سے ملاقات کے دوران کہی۔

مقبول خبریں اہم خبریں

مقبول خبریں