شامی صدر کا سب سے بڑا بیٹا بدترین نتیجہ لے کر برازیل سے واپس !

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

برازیل کے شہر ریوڈی جنیرو میں ریاضی کے عالمی اولمپیاڈ میں شریک شامی ٹیم میں بشار الاسد کا بیٹا حافظ بھی شامل تھا تاہم اس نے اپنی کارکردگی سے سب لوگوں کو مایوس کرنے میں کوئی کسر نہیں چھوڑی۔ بشار کا بیٹا چھ ارکان پر مشتمل شامی ٹیم میں چھٹی اور آخری پوزیشن پر رہا جب کہ اسی ٹیم کے طالب علم مارک جبور نے اپنے ساتھیوں میں پہلی پوزیشن حاصل کی اور چاندی کا تمغہ لے کر وطن لوٹا۔

مذکورہ مقابلے میں دنیا بھر سے 615 طالب علموں نے شرکت کی جن میں حافظ بشار الاسد نے بدترین کارکردگی کی بدولت 528 ویں پوزیشن حاصل کی۔ اس کے درست جوابات کا تناسب صرف 14.17% رہا۔ حافظ کا ہم وطن مارک جبور عالمی سطح پر 82 ویں پوزیشن پر رہا جس نے اس کو چاندی کے تمغے کا حق دار بنا دیا۔

سوشل میڈیا پر سامنے آنے والے بہت سے تبصروں میں عالمی مقابلے میں بشار الاسد کے سب سے بڑے بیٹے کے نتیجے کا بھرپور مذاق اڑایا گیا ہے۔ بعض کے نزدیک مقابلے میں "کسی دھونس اور دھاندھلی کا وجود نہیں تھا" اس لیے حافظ بشار الاسد کو وہ ہی پوزیشن (آخری) ملی جس کا وہ مستحق تھا۔

مقبول خبریں اہم خبریں

مقبول خبریں