.

شام : اللاذقیہ میں کار بم دھماکے میں دو افراد ہلاک

پہلی اشاعت: آخری اپ ڈیٹ:

شام کے ساحلی شہر اللَاذِقِيَّہ میں کار بم دھماکے میں دو افراد ہلاک ہوگئے ہیں۔‎‎

حکومت نواز اللَاذِقِيَّہ نیوز نیٹ ورک نے اپنے فیس بُک صفحے پر اطلاع دی ہے کہ ہفتے کے روز ایک چیک پوائنٹ پر بارود سے بھری کارکو دھماکے سے اڑایاگیا ہے۔برطانیہ میں قائم شامی رصدگاہ برائے انسانی حقوق نے بھی اس کار بم حملے کی اطلاع دی ہے۔‎

واضح رہے کہ اللَاذِقِيَّہ شام میں گذشتہ چھے سال سے جاری خانہ جنگی کے دوران میں صدر بشار الاسد کی حکومت کا مضبوط گڑھ رہا ہے اور باغی گروپ اس شہر کی جانب پیش قدمی یا کسی طرح وہاں اپنا کنٹرول قائم کرنے میں ناکام رہے ہیں۔البتہ جنگجو گروپ اس شہر میں گاہے گاہے بم حملے کرتے رہتے ہیں۔

شامی حکومت اب دھیرے دھیرے روس اور ایران کی مدد سے باغیوں کے زیر قبضہ علاقوں کو واپس لینے میں کامیاب ہورہی ہے اور اس نے ملک کے دوسرے بڑے شہر حلب کے علاوہ متعدد شہروں اور قصبوں میں جنگ بندی کے سمجھوتوں کے ذریعے دوبارہ اپنی عمل داری قائم کر لی ہے۔تاہم ملک کے بڑے مشرقی شہروں اور شمال مغربی علاقوں میں داعش ، القاعدہ سے وابستہ النصرہ محاذ اور دوسرے باغی گروپوں کا قبضہ برقرار ہے۔