قطر کے بحران کے حوالے سے چار ملکی بیان گراں قدر ہے : کویتی وزارت خارجہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

کویتی وزارت خارجہ نے جمعے کے روز باور کرایا ہے کہ وہ قطر کے بحران کے حوالے سے جمعرات کی شام سعودی عرب ، امارات ، بحرین اور مصر کی جانب سے جاری اُس بیان کو قدر کی نگاہ سے دیکھتی ہے جس میں قطر کا بائیکاٹ کرنے والے چاروں ممالک نے دوحہ کے ساتھ اختلاف پر روک لگانے کی خواہش کا اظہار کیا ہے۔

کویت کی سرکاری خبر رساں ایجنسی "کونا" نے وزارت خارجہ کے ایک ذریعے کے حوالے سے بتایا ہے کہ کویت نے زور دے کر کہا ہے کہ وہ تنازع کو ختم کرنے اور تعلقات میں پیدا ہونے والی دراڑ بھرنے کے لیے کوششیں جاری رکھے گا۔

مذکورہ ذریعے کے مطابق کویت کی کوششوں سے اب تک حاصل ہونے والی پرسکون فضا درحقیقت برادر ملکوں کے اس بات کو سمجھ جانے کا نتیجہ ہے کہ ان کے اختلاف کے جاری رہنے سے خطے کے امن و استحکام کو اور خلیج تعاون کونسل کے مستقبل کو خطرہ لاحق ہو گا۔

ذریعے نے اپنے بیان کے اختتام پر کہا کہ کویت پوری امید اور خوش گمانی کے ساتھ اپنی کوششیں جاری رکھے گا تا کہ اس افسوس ناک اختلاف کو جلد اختتام تک پہنچایا جا سکے۔

مقبول خبریں اہم خبریں

مقبول خبریں