عراق : داعش کے دوخودکش بم حملوں میں 74 افراد ہلاک

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

عراق کے جنوبی شہر ناصریہ میں جمعرات کے روز سخت گیر جنگجو گروپ داعش کے دو بم حملوں میں 74 افراد ہلاک اور 94 سے زیادہ زخمی ہوگئے ہیں۔

ناصریہ کے محکمہ صحت کے ڈائریکٹر جنرل جاسم الخالد نے ایک بیان میں ایک ریستوران اور ایک چیک پوائنٹ پر بم حملوں اور فائرنگ میں ان ہلاکتوں کی تصدیق کی ہے۔۔ مہلوکین اور زخمیوں میں ایرانی زائرین بھی شامل ہیں جو ناصریہ سے دو جنوبی شہروں نجف اشرف اور کربلا کی جانب جارہے تھے اور وہاں کھانا کھانے کے لیے رُکے تھے۔

عراقی حکا م نے بتایا ہے کہ شیعہ ملیشیا الحشد الشعبی کی وردی میں ملبوس مسلح حملہ آوروں نے پہلے ریستوراں میں دوپہر کے کھانے پر موجود لوگوں پر فائرنگ کی تھی اور اس کے چند لمحے کے بعد اس کے نزدیک واقع ایک سکیورٹی چیک پوائنٹ پر ایک خودکش بمبار نے اپنی بارود سے بھری کار کو دھماکے سے اڑا دیا۔

داعش نے اپنی نیوز ایجنسی اعماق کی ویب سائٹ پر جاری کردہ ایک بیان میں ان دونوں حملوں کی ذمے داری قبول کرنے کا دعویٰ کیا ہے اور کہا ہے کہ اس کے خودکش بمباروں نے ناصریہ میں ایک ریستوراں اور سکیورٹی چیک پوائنٹ پر دھماکے کیے ہیں اور ان میں دسیوں افراد ہلاک اور زخمی ہوگئے ہیں۔

مقبول خبریں اہم خبریں

مقبول خبریں